Antolakuntzak jakinatazi duenez, 1980ko hamarkadako talde britainiar handienetako bat den Echo And The Bunnymen eta nazioartean arrakasta handia lortu duen Delorean talde zarauztarra uztailaren 24an arituko dira. James Vincent McMorrow kantautore irlandarra, bestalde, 25ean izango da taula gainean eta Austra elektro-gotiko hirukote kanadiarra 26an.

Agertoki Berdean baieztatu zeuden Ray Davies eta George Clinton (uztailaren 24an), The Horrors (25ean) eta Vintage Trouble (26an) artista eta taldeei gehitzen zaizkie izen berriak. Aurretik iragarritako Wire post-punk bandaren kontzertua, ordea, Heineken Terrazara lekualdatu da. Agertoki Berdeko kontzertu guztiak doakoak dira.

Donostiako Jazzaldia uztailaren 23tik 27ra ospatuko da.