Giant-eko Marcel Kittel alemaniarra da Giro honetako azkarrena, edo hori diote lehen emaitzek behintzat. Atzo bezala gaur, bera izan da Italiako Giroko etapan azkarrena esprintean. Dublinera iritsi da gaur Italiako itzulia eta bera gailendu da, dezente sufrituta, hori bai. Ben Swit izan da bigarren eta Elia Viviani hirugarren.

Michael Mattews australiarrak lidergoari eutsi dio eta bere soinean joango da, beraz, maglia larrosa Italiara. Izan ere, astelehena atseden eguna izango dute eta asteartean Giovinazzo eta Bari artean izango da hurrengo etapa.