Unibertsitatera joan nahi duten Ipar Euskal Herriko ikasleek Baxoa azterketak abiatu dituzte gaur eta froga ekainaren 24ra bitarte luzatuko da. Beste urte batez, baina, ikasle euskaldunek ez dute Baxoa euskaraz egiteko aukerarik izango. Soilik bi alorretan dute froga euskaraz egiteko aukera: historia-geografian eta matematikan, baina gainontzeko guztia frantsesez osatzera behartuta daude.

Egoera halakoa izanik, Seaskak deituta elkarretaratzea egin dute 12.30ean Baionako Cassin azterketa zentroaren aurrean.