Orio San Miguel Ligako lider sendo bezala kokatu da lehen hiru estropadak ospatu ostean. Denboraldiko bigarren garaipena lortu dute oriotarrek Bueuko banderan.

Estropada ederra izan da. Urdaibaik bi segundutara bukatu du eta Hondarribiak bostera. Kaikuk berriz, 23 segundu galdu ditu.

Oriok -35 puntu- zazpi puntutako aldea ireki du sailkapen nagusian Kaiku eta Hondarribiarekiko -28 puntu-. Faboritoen artean egon behar zuen Portugaletek huts egin du liga hasieran eta 12 puntu baino ez ditu lortu.

Urdaibai sailkapenaren zuloan dago -90 puntutako zigorra ezarri baitzioten liga hasi aurretik.