Erakustaldi bikaina eskaini dute beste behin ere San Miguel Ligako traineruek Zarautzen. Azken txanda ikusgarria izan da eta Kaiku, Orio eta Urdaibai garaipena lortzeko lehian izan dira bukaerararte. Azkenean, epaileek Kaiku eta Orio berdinduta helmugaratu direla erabaki dute. 19.39 izan da egin duten denbora eta lehen jardunaldia kontuan hartuta Kaikuk irabazi du bandera.

Urdaibai hirugarren postuan sailkatu da 60 ehunenekora. Hondarribia izan da laugarrena eta sailkapen nagusian zeukan errentan hiru puntu galdu ditu. Orio puntu bakar batera geratu da.