Nafarroako Parlamentuko oposizioko taldeen ustez, Lourdes Goicoechea Ekonomia sailburuak atzo aurkeztu zuen 2015erako aurrekontu proiektua «murriztailea» da eta ez da baliagarria izango ekonomia suspertzeko eta enplegua sortzeko. Gainera, krisiak sortutako kalteak txikitzeko gizarte politikak ere ez dituela bermatuko iritzi diote.

Horregatik, talde guztiek, PPk izan ezik, aurreproiektua ez dutela babestuko aurreratu dute. PSNk, hala ere, agiria «lasaitasunez» aztertu behar duela zehaztu du.