Parlamentuko oso bilkuraren aurretik kazetariekin mintzatu da Barcina eta, esan duenez, komunikabideen bitartez jakin du UPNren zerrendaburu izateko hautagaiek –Jose Javier Esparza salbu– igorritako gutunaz. Estatutuak eta aurreikusitako epeak «zehaztasunez» betetzen ari direla gaineratu du.

«Hautagai gisa aurkeztu zirenean, denek zekiten 29an kontseilu politikoa daukagula eta hori hasieratik dago aktetan», azpimarratu du Barcinak.

Era berean, Bermeen Batzordeak egin asmo duen batzarrean ezer aldatuko ez dela eta kontseilu politikoa larunbatean egingo dela nabarmendu du UPNko buruak.