Jabi Agirre Odriozola preso azpeitiarra igande goizean aske geratu da ia 12 urteko espetxe zigorra bete ondoren. Sevilla II-ko espetxetik atera da.

Agirre 2003ko urtarrilaren 17an atxilotu zuten Frantzian, Bourges herrian, Xabier Etxeberria azpeitiarrarekin batera. ETAko kide izatea egotzita 2004an epaitu eta 2008ko azaroa arte bete zuen zigorra Estatu frantsesean.

Euroaginduaren bitartez, Estatu espainolera estraditatu zuten eta 2010ean sei urteko kartzela zigorra ezarri zioten ETAri laguntzea egotzita.