Arartekoak modu formalean eskatu dio Iruñeko Udalari sanferminetan eskegiten diren karteletan, non espazio publikoak, informazio bulegoak edo komunak seinalatzen diren, euskararen ordenantza errespeta dezan.

Kexa bat jaso zuela jakinaraziz, gakoa adostutakoa betetzea dela azpimarratu du, Udalak berak edo hirugarren pertsona batekin elkarlanean egiten duen ez dela eztabaida garrantzitsuena gogoratuz. Ildo beretik jotzen du Administrazioan Euskaraz Taldeak, «den moduan dela» ordenantza bete egin behar duela nabarmenduz.

Euskararen aldeko ekimenak Arartekoaren pausoa baloratu du, eta beraz hurrengo sanferminetan euskara zein gaztelania «maila berean» errespetatuko direla espero du.