Emaitza harrigarriak utzi ditu hauteskundeetako lehen itzuliak Errobi-Aturri kantonamenduan, EH Bai eta FN ariko baitira norgehiagokan datorren astean.

Alain Iriart eta Fabienne Ayensak osatutako bikotea (EH Bai) bozkatuena izan da Errobi-Aturrin, %37,90eko babesa bilduta.

Harridura eragin du Fronte Nazionalaren emaitzak, botoen %16,74 bilduta Dave Daguerrek eta Anais Mendilahatxuk lortu baitute bigarren itzulirako txartela. 

Forces64 eta UMPk osatutako zentro-eskuineko aliantza laugarren gelditu da, Maider Behoteguyk eta Sebastien Dupratek 1.400 boto lortu baitituzte (%14,40). Emaitza horretatik hurbil, bozen %14,02 lortu dute PS eta haien aliatuen izenean lehiatu diren Eric Boileau eta Catherine Daubasek.

Abstentzioa %47,46koa izan da.