Martxoaren 22 eta 29ko hauteskundeak iragan ondoren, Kontseilu Nagusiko presidente berria hautatu dute ostegun honetan Pauen. Kargu honetarako hiru hautagai aurkeztu dira: Jean-Jacques Lasserre (Forces 64), Marie-Pierre Cabanne (Ezkerreko Taldea) eta Alain Iriart (independentea, abertzalea). Kantonamenduka kontseilariek jarrera adierazi ondoren, 31 bozekin Jean-Jacques Lasserre presidente hautatu dute, Kazeta.eus-ek bildu duenez.
Bigarren itzulian garaipena lortu duten kontseilariak Paueko Kontseilu Nagusian elkartu dira. Hitzorduan presidente berriaren bozketan parte hartu dute. Kantonamenduka alderdi ezberdineko parte hartzaileek beren boza eman dute. Orotara 54 boza izan dira, haien artean txuri bat.
Marie-Pierre Cabannek 20 boto lortu ditu, Alain Iriartek 2 eta Jean-Jacques Lasserrek 31. Beraz, Kontseilu Nagusiko presidente berria eskuin-zentristako kidea da.
«Hautesleen konfiantza berreskuratu behar dugu, krisiarekin eta langabeziarekin galdu dena», adierazi du presidente berriak. Honetaz gain, zehaztu du gaurtik goiti, alderdiak «gutxiago ez duela lan eginen, ezta ere gehiago; baizik eta beste modu batera».
Alain Iriartek, bere aldetik, gogoratu du sinbolikoki aurkeztu duela bere burua, baina nabarmendu du «bozek aurretik» hitz egin dutela, EH Bairen emaitza onei aipamena eginez.
La respuesta ciudadana aborta otra actuación de Desokupa, ahora en Irun
EITB Focus constata el auge de EH Bildu, el retroceso de UPN y la caída de PSE y PSN
Fallece el profesor de EHU y activista Zesar Martínez
«El abuso de pantallas en niños no solo retrasa el habla, está generando discapacidad»
