19 urterekin Lau eta Erdiko final laurdenetarako txartela lortu du Jokin Altunak. Amezketar gaztea Aritz Lasari gailendu zaio Lekunberriko Jaian Jai pilotalekuan (22-13).
Lasak egin du partidako lehen tantoa, baina honen atzetik 15 egin ditu segidan Altunak. Nahieran mugitu du pilota eta aurkaria pilotari gazteak eta bi eskuekin joko bikaina erakutsi du. Tanto errenkada sakez egindako huts batekin eten du. Urretxuarrak, hala ere, ez zuen sake gehiegi baliotzen eta 17-3 ere jarri dira.
Hor iritsi da gaur gorriz aritu den pilotariaren berpizkundea eta bederatzi tanto egin ditu segidan, 12-17raino gerturatzeraino. Gazteak, ordea, bere lanean jarraitu du eta 22. tantorainoko bidea aurkitu du.
Modu honetan, Altuna final laurdenetako ligaxkan da, non Aimar Olaizola, Oinatz Bengoetxea eta Iñaki Artola izango dituen aurrez-aurre. Azken hau izango du lehen aurkari, hurrengo ostiralean Atano III. pilotalekuan iazko bigarren mailako finala berriz bizitzeko aukera izanda. Orduan, Alegiakoa gailendu zen.
Oihu bat Palestinara jaialdia, martxoaren 21ean Durangon, «ondorio errepresiboei» aurre egiteko
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
