Athleticek jakinarazi duenez, Aritz Adurizek kontratua luzatu du eta, horrenbestez, talde zurigorrian jarraituko du 2017ko ekainaren 30 arte. Ordurako 36 urte izango ditu aurrelari donostiarrak.

Aduriz sasoi onean dago eta urtetik urtera gol gehiago egin ditu. 2012-13 denboraldian 18 gol egin zituen; kopuru bera errepikatu zuen 2013-14 denboraldian –horietatik 16 Ligan–, eta aurten dagoeneko hamaika daramatza.