Partida zaila zela bazekiten Oiartzun taldeko neskek. Liderra, Atletico de Madrid, zeukaten bisitari eta madrildarrak nagusitasunez gailendu dira. 22. minutuan egin dute bisitariek lehen gola, eta atsedenaldiaren aurretik sartu dute bigarrena.

Bigarren zatian, nahiz eta etxekoek ez duten etsi, zulo ugari aurkitu ditu Madrilgo taldeak eta beste hiru gol egitea lortu du.

Emaitza honekin, Oiartzun zazpi puntorekin geratzen da sailkapenean, zortzi partida jokatu eta gero, baina jaitsiera postuetatik lau puntora.