Kike Amonarrizek (1961, Tolosa) jasoko du aurten Anton Abbadia saria, «euskara mezu baikorrekin, umorearekin eta imajinazioarekin lotuz ekarpen izugarria egin diolako hikuntzaren bizitasun eta aberastasunari».
Mikel Irizar Gipuzkoako Aldundiko Hizkuntza Berdintasuneko zuzendariak jakinarazi du berria eta soziologo eta aurkezle tolosarrak telebistara eraman dituen euskarazko saio «arrakastatsu, gozagarri eta interesgarriak» goraipatu ditu.
Epaimahaiak Amonarriz hautatzeko beste arrazoietako bat izan da soziolinguista gisa egin dituen lanen eta artikuluen «sendotasuna».
Anton Abbadia saria bi urtean behin ematen du Aldundiak, euskararen normalkuntzaren aldeko lanean nabarmendutako pertsona edo elkarteen jarduna saritzeko.
Kike Amonarrizek Iago Rey eskultorearen artelana jasoko du, datorren asteartean, 19.00etan Aldundian bertan.
La autopsia confirma el crimen machista en Barakaldo; detenido un hombre de 27 años
‘Gutun bat Kottori’: «Gazteoi dagokigu gai hau bertze modu batera lantzea»
A prisión el detenido tras el crimen machista de Barakaldo, por homicidio y agresión sexual
Buscan a una joven de 23 años desaparecida desde el día 25 en Donostia
