Jon Ormazabal
IRUÑEA

Irujo eta Rezustak txapeldunak txikitu dituzte (22-10)

Juan Martinez de Irujo eta Beñat Rezusta Binakako txapelketako bigarren puntua eskuratu eta txapelketako lider berriak dira Bengetxea VI-Untoria, egungo txapeldunak 22-10 txikitu ostean.

Irujok oso partida erosoa izan du (Jagoba MANTEROLA / ARGAZKI PRESS)
Irujok oso partida erosoa izan du (Jagoba MANTEROLA / ARGAZKI PRESS)

Markagailuak erakusten duena baino errazagoa izan da garaipena Aspeko bikotearentzat, uneoro menpean izan dituzte eta Asegarcekoak. Beñat Rezustak erabat dominatu du Untoria atzeko koadroetan eta 0-6 aurreratu dira urdinak, Irujok pilota on asko izan baititu tantoak amaitzeko.

Gainera, Oinatz Bengoetxeak ez du inolako antzik iazko txapelketan onena izan zen pilotariarekin –6 huts egin ditu eta airez ez du tanto bakarra ere lortu– eta gutxitan ikusten den desberdintasuna ikusi da kantxan.

Irujok erasoan egindako lau hutsengatik izan ez balitz, markagailua askoz nabarmenagoa izango zatekeen 310 pilotakada baino izan ez dituen lehian.