Greziako kostaldera hainbat errefuxiatu zeramatzan bi ontzi hondoratu egin dira eta gutxienez 20 errefuxiatu hil dira, ‘Hurriyet’ egunkariak berri eman duenez.
25 errefuxiatu zihoazen Izmir-eko Dikili herritik abiatu den ontzian, Lesbos irla helmuga zutela, Turkiakok kostaldetik 20 kilometrora. Goizaldeko bostak aldera ontzia irauli egin da, haizeak eta itsasoaren egoera txarrak eraginda.
Turkiako hondartza batean hamahiru gorpu topatu dituzte, gehienak haurrenak, eta beste hamabi errefuxiatu erreskatatu dituzte. Ospitalera eraman dituzte hiportermia zantzuekin.
Ordu batzuk beranduago, handik gertu dagoen Dikiliko hondartzan zazpi errefuxiaturen gorpuak topatu dituzte.
‘Cumhuriyet’ egunkariaren arabera, 58 etorkin zeramatzan ontzia abiatu da hondartza horretatik, baina irten eta gutxira hondoratu egin da.
Diez bandas navarras rinden homenaje al trovador Fermin Balentzia con un disco tributo
La autopsia confirma el crimen machista en Barakaldo; detenido un hombre de 27 años
Multa de 400 euros por protestar en la inauguración del Culinary Center de Gros
El equipo de gobierno de Iruñea pide la dimisión de Ibarrola y Adanero por «difundir bulos»
