2014ko azaroan, Pirinio Atlantikoetako Kontseilu Orokorrak (TTIP/TAFTA) hitzarmenaren kontra agertu zen. Hain zuzen, garaian Ipar Euskal Herriko hamazazpi herrik jarrera horrekin bat egin zuten; gaur egun hogei bat dira. Horietako bat Hendaiako hiria da eta, jarrera hori adierazteko, panelak jarri ditu hiriko bost sarreretan.

«TAFTA-tik kanpoko herria» diote Kotte Ezenarro auzapeza bertan zela jarri dituzten kartelek.

Aipatu akordioa isilpean ari dira negoziatzen Europako Batasuna eta Amerikako Estatu Batuak eta haren baitan, bi lurraldeen arteko merkataritza askea ahalbidetuko litzateke.