DIe Linke Alemaniako alderdi ezkertiarrak Arnaldo Otegi pairatzen ari den prozesu guztia salatu du eta Euskal herrian «hauteskunde libre» batzuk egiteko beharra azpimarratu du ohar baten bidez. Bide beretik, Fiskaltzaren eta Madrilgo Gobernuaren «mehatxuak» arbuiatu ditu.

«Otegi ezinbesteko pertsona izan da Aieteko bake prozesuari begira eta ahalegin handiak egin ditu Euskal Herriko bake prozesua aurrera atera dadin», adierazi dute. Hau dela-eta, inhabilitazioa bake prozesu honen aurkako «erasoa» litzatekela adierazi dute. «Zalantzan jartzen du hauteskunde hauen izaera librea».

Espainiar Gobernuari Gasteizko Parlamenturako «hauteskunde libre eta garbiak bermatzea» eskatu diote eta alemaniarrari Madrilen aurrean aldarrikapen hauek defendatzea.