Zinemirak inoiz baino euskal ekoizpen gehiago hartuko ditu barnean. Guztira hamazazpi film emango dira Zinemaldiak euskal produkzioari eskainitako sail honen barnen eta horietatik zortzik hartuko dute parte Irizar sariaren lehian: Aitor Asperen "Baskavígin. Euskal balezaleen hilketa", Juan Barreroren "Chillida: Esku huts", Justin Websterren "ETAren amaiera", Maria Jose Barriolaren "GUtik ZUra", Patxo Telleriaren "Igelak", Maider Oleagaren "Iragan gunea Berlin", Juan Palaciosen "Pedaló" eta Juanma Bajo Ulloaren "Rocknrollers".
Lehiaketaz kanpo aurkeztuko dira Helena Tabernaren "Acantilado", Eriz Zapirainen "Gaur irekiko ditu ateak", GARAko kolaboratzaile Iratxe Fresnedaren "Irrintziaren oihartzunak", David Aguilarren "Mara mara", Fermin Muguruzaren "Nola?", Juanmi Gutierrezen "Oihalak adarretan", Olatz Gonzalezen "Pelota II", Mikel Ruedaren "Bosgarren solairua" eta Rusudan Glurjidzeren "Besteen etxea".
Filmen berri gaur goizean eman dute Donostiako Tabakaleran egin den ekitaldi jendetsu batean. Bertan iragarri dute baita ere Ramon Barea aktore eta errealizadorea izango dela aurten bere ibilbide emankorra omentzeko Zinemira saria jasoko duena. Saria Euskal Zinemaren eta ETBren galan emango diote. Gala berean estreinatuko dira Telleriaren "Igelak", eta baita Francesc Escribanoren "Agirre lehendakaria" ere.
Aurkezpenean Zinemaldiko zuzendari Jose Luis Rebordinosek esan du «gaur hemen aurreratu ditugun irudi eta soinu iradokitzaileak sortzeko gai garen artean», euskal zinemak «aurrera» egingo duela.
Los artistas se posicionan de diferente modo ante la huelga de técnicos en Gasteiz
El jefe de Policía de Santurtzi se marcha, con la muerte de Ander y la OPE aún sin aclarar
El párroco de Uharte reclama una respuesta militar en Ceuta y llama a «reconquistar Marruecos»
Investigan la muerte de un hombre en Lizarra tras una llamada alertando de violencia machista
