Donostian egin du mitina EAJk igande honetan, eta bertan izan da alderdiko presidente den Andoni Ortuzar. Berarekin batera izan dira, besteak beste, Gipuzkoako hautagai Joseba Egibar, Arantxa Tapia edota Bakartxo Tejeria ere.
Bere adierazpenetan, azken egunetan publikatu diren inkestei erreparatu die Ortuzarrek, adieraziz hauek Urkullu gobernatzeko alternatibarik hoberena dela azpimarratzen dutela. «Alderdi espainiarrak, berriz, maldan behera doaz», gaineratu du.
Baina adierazi du gehiagorik ere. Ohartarazi du EAJren lehiakide bakarra EH Bilduk eta Elkarrekin Podemosek osatu dezaketen aliantza izan daitekeela: «Baina argi, elkarrekin indar handia izan dezakete».
Hori horrela, Urkulluk gidatutako edo EH Bildu eta Elkarrekin Podemosek osatutako aliantzen artean jarri du legegintzaldi berriko gobernagarritasuna.
Jon Sarasua: «Marko ideologiko jakina dago txapelketan, eta pobrea»
‘Cadena perpetua’ cumple treinta años: siempre nos quedará Zihuatanejo
Detenido un hombre acusado de matar a su hijo con un arma de fuego en Labio
El PNV solo mantuvo su dominio entre votantes de más de 60 años
