Lehen bi jardunaldietan bi porrot jaso ondoren, Ezkurdiak eta Merinok egoera irauli dute azkeneko biak irabazita. Gaurkoan, Arrasaten, Urrutikoetxea eta Imaz garaitu dituzte, hasiera-hasieratik nagusituz.

Joseba Ezkurdia izan da lauetan onena. Momentu onean dago arbizuarra eta aurkariak bere erritmora mugitu dira, baina akatsak izan dira norgehiagokaren ezaugarri nagusi.

5-0 eta 15-6ko aldeak ezin izan dituzte altxatu gaur gorriz aritu den Asegarceko bikotea, eta bigarren zatian hobe aritu diren arren, gorriek ongi eutsi diote errentari, txapelketako bigarren puntua eskuratzeko.