Brasilgo Manaos hiriko espetxean bi talde aurkariren arteko liskarrek 60 hildako utzi dituzte gutxienez, Amazonas estatuko Segurtasun ministro Sergio Fontesek azaldu duenez.

Liskarra atzo arratsaldean hasi zen eta 17 orduz luzatu zen. Agintarien arabera, bi talde aurkaritako kideek hainbat polizia eta preso atxiki zituzten bahitu gisa eta gutxienez 20 presok ihes egitea lortu zuten. Narkotrafikoa izan omen zen liskarren sorburua.

Hildako kopurua ez dela zehatza eta oraindik kontaketa egiten ari direla esan du Segurtasun ministroak.