Kale izendegian aldaketa ofizialki otsailaren 1ean egin zen arren, atzo egin zen Zorrotzako Clara Campoamor kalearen izen berria inauguratzeko ekitaldia, politikari eta abokatu feministaren jaiotzatik 129 urte betetzen zirela aprobetxatuta.
Memoria historikoaren legea betetzeko, iragan abenduan erabaki zuen Bilboko Udalak hiru tokiren izenak aldatuko zituela. Hermogenes Rojo izena zuen kaleak hartu zuen Clara Campoamor izendapena. Horrez gain, Alfonso Txurruka kaian eta Eusebio Garcia Alonso kalean egin ziren, Zirgarien kaia eta Benita Asas kalea deitzera pasa direnak, hurrenez hurren.
Bilboko alkateorde Alfonso Gilekin batera, Clara Campoamor elkarteko zenbait kide bildu ziren atzo Zorrotzan politikari feminista gogoratu eta haren omenezko kalea ofizialki estreinatzeko.
Politikariaren izena daraman elkarteko presidentea, Blanca Estrella Ruiz, pozik agertu zen, Bilbok Campoamorrekin zeukan «zor historikoa» kitatu dela azpimarratuz.
EH Bildu Gasteiz censura el uso de 2 millones de euros públicos en beneficio de El Corte Inglés
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
Los ingredientes para un «lawfare»
Jon Sarasua: «Marko ideologiko jakina dago txapelketan, eta pobrea»
