Barriolaren ordez jokatzea tokatu zaio Miguel Merinori eta egokitu ziezaiokeen lanik zailena izan du Villar de Torrekoak; egungo jotzailerik handienei pilotalekurik zailenetako batean aurre egitea. Nolabait, partidaren erdira arte eutsi diote porrot honekin sailkapenean aurrera egiteko aukerarik gabe geratu direnek, baina 11-9koaren ostean ez da partidarik izan. Bi gipuzkoarrek ikaragarri gozatu dituzte pilota guztiak, zulo asko egin dituzte frontoian eta Iker Irribarriak aukerako pilota piloa izan ditu tantoak amaitzeko. Orotara 12 tanto egin ditu Aramako txapeldunak.

Jokin Altuak, bere aldetik, oso behartuta jokatu behar izan du partida guztian eta hala ez dago miraririk egiterik.