Oraindik finalerdietarako jokoan dagoen arren, badakigu non jokatuko den 2017ko Binakako Txapelketako finala. Eta ez da sorpresarik izan. Azken urteen modura, Bilboko Bizkaia frontoiak hartuko du txapelaren lehia.

Datorren astean amaituko da lehen fasea, eta finalerdietako ligaxka martxoaren 12, 19 eta 26an jokatuko da. Buruz burukoa, aldiz, apirilaren 13an hasiko da.

Bestetik, Abel Barriolak profesionaletako bere azken partida maiatzaren 6an jokatuko duela iragarri dute. Iruñeko Labrit pilotalekuan jantziko du gerrikoa azken aldiz.