Udalbiltzaren gaur egungo jardueraren berri eman diote ahaldun nagusiari, ‘Udalbiltzan Bagabiltza’ gogoeta prozesuaren nondik norakoak, lurralde kohesioaren inguruan zein nolako programak garatzen ari diren, eta baita esku artean dituzten proiektuen berri ere.
Bileraren ondoren Intxauspek eskertu egin nahi izan du Gonzalezek egindako harrera eta gogora ekarri du dagoeneko bildu direla Gipuzkoako Foru Aldundiarekin, Donostiako alkatearekin eta Nafarroako Kontzeju eta Udalerrien Federakuntzarekin ere. Hurrengo hitzordua hil honetan bertan izango da, Iruñeko alkatearekin.
«Euskal Herriaren kohesioa gero eta beharrezkoa den sasoi honetan», erakundeen arteko elkarlana «behar beharrezkoa» dela nabarmendu du Intxauspek.