Bruno Zubizarreta EH Bilduko zinegotziak udal gobernuak Zorrotzako auzokideek egindako murala ezabatu izana salatu du. Auzokideek trenbide pasagunearen estaltzea eskatzen zuten larunbatean egindako muralean.
«EAJk eta PSOEk 60 ordu baino ez dute behar izan mural hori ezabatzeko», kritikatu dute. «Auzokideen aldarrikapena ezkutatzen saiatu dira EAJ eta PSOE. Urteak dira auzoak pasagune horren estaltzea eskatzen duela eta inork ez die jaramonik egin. Hala ere, badirudi murala ezabatzeko presa handia izan dutela», salatu du Zubizarretak.
Zinegotziak gogoratu du auzokideek udalari eskatu ziotela murala errespetatzea eta ez ezabatzea. Hala ere, kritikatu duenez udal gobernua osatzen duten EAJ eta PSOEk ez diete jaramonik egin auzokideei.
«Ez da lehen aldia hori gertatzen dela. Gogoratu behar da Yolanda Gonzalezen omenez egindako muralarekin gauza bera egin zutela Deustuibarran orain dela urte batzuk», azpimarratu du Zubizarretak.
EH Bilduk Obra eta Zerbitzuetako zinegotziaren premiazko agerraldia eskatu du murala ezabatzeko arrazoiak azal ditzan.
Hallado en Larunbe un altar de piedra romano dedicado por una mujer a la deidad vascona Larrahe
El nombramiento de la nueva directora de Fiestas de Bilbo está al límite del Reglamento
Denuncian el ataque a la vivienda de la alcaldesa de Etxauri en las fiestas de la localidad
«El pacto de PNV y PSE muestra que el gobierno es un fin en sí mismo»
