NAIZ
DONOSTIA

Erraustegiaren kontrako mobilizazioak deitu dituzte hilaren 25 eta 27rako

Gipuzkoako Errausketaren Aurkako Mugimenduak kotxe karabana deitu hilaren 25ean (18.00etan Belartzako Decathlonetik abiatuta) eta hilaren 27an (egun osoko jardunaldia Zubietan) egitasmo hau gelditzeko eskatzeko.

Errausketaren Kontrako Mugimenduaren agerraldia. (NOAUA)
Errausketaren Kontrako Mugimenduaren agerraldia. (NOAUA)

Hasi berriak diren erraustegiaren obrak 2011an Eh Bilduk gelditu zituela gogoratu dute. «Orduan, 2011an, milaka gipuzkoarrek esaten genuen eta gaur diogu: ‘Errausketarik Ez’, txarra delako osasunarentzako, ingurumenarentzako, ekonomiarentzako eta enpleguarentzako. Gipuzkoako agintariek ez dute entzun nahi, ez orduan eta ez orain. Baina, gainera, tartean Gipuzkoa osoan zabaldu da hondakinentzako kudeaketa sistema hobea, merkeagoa, enplegu gehiago sortzen duena, garbiagoa», gaineratu dute.

«Agintariak tematu dira zerbitzu publikoen kontrata pribatu handiei milioi askoko oparia egiten. 2011an milioi askoko zorra egin zioten Gipuzkoari Swap madarikatu haiekin, 2017an 35 urterako hipotekatu gaituzte 1.000 milioitik gorako alferrikako gastuetan. PNV eta PSOEko agintariek jendea engainatzeaz gain, errausketaren egiak ezkutatzeaz gain, herritarrok nazkatuta etsitzea nahi dute», adierazi dute.

«Guk, Errausketaren Aurkako Mugimenduan biltzen garen elkarte, talde eta boluntariook, herritarrei eskatzen diegu: Ez etsi! Ez onartu erraustegi kriminal hau!», aldarrikatu dute.