Sestaoko La Naval hartzekodunen konkurtsoan sartuko dela publiko egin ondoren, Maddalen Iriarte EH Bilduk Gasteizko Legebiltzarrean duen bozeramaileak, elkartasuna adierazi die ontziolako langileei eta haien familiei.
Euskal alderdi politiko guztiei ere deia egin die Iriartek, industriaren eta «arriskuan dauden milaka lanpostuen defentsan elkarrekin esku hartuta» jarduteko.
«Gure herriak ezin du bere industria galdu gure ekonomia eta gure seme-alaben etorkizuna arriskuan jarriz. Hau herri arazoa da», nabarmendu du koalizio subiranistaren eledunak.
Iriarteren aburuz, ahalegin berezia egin behar da teknologiaren eta ikerkuntza, garapen eta berrikuntzaren eremuan inbertitzeko. «Europak Barne Produktu Gordinaren %3a inbertitzea eskatzen duen bitartean, hemen %1,84a inbertitzen da soilik», azaldu du.
Industriari, baina bereziki industria txiki eta ertainari «laguntza osoa» emateko eskatu die euskal erakundeei. «EH Bildu beti izango da hor», nabarmendu du Maddalen Iriartek.
EH Bildu organiza una Conferencia Municipalista para «dar un salto en la construcción de país»
Aburto responde a la protesta vecinal pidiendo que se acepte que solo Sader abandone Zorrotza
El agente que abusó de una víctima de violencia machista sigue en la Ertzaintza
La nueva presidenta de UPN se abre a pactos puntuales con EH Bildu y a gobernar con Geroa Bai
