Preso, iheslari eta deportatuen egoerari behin betiko konponbidea aurkitzeko helburuarekin, batzarra egin dute gaur Donostian bere garaian espetxea, erbestea eta deportazioa jasan duten 250 lagunek. Besteak beste, gatazka politikoaren ondorioak aztertu eta presoen auzia konpontzeko egin daitezkeen ekarpenak izan dituzte hizpide.
Zehazki, gatazkaren ondorioak etorkizunari begira, presoen ildo juridiko berria, Euskal Iheslari Politikoen Kolektiboaren (EIPK) erronkak, abenduaren 9ko Prisko hitzordua eta Justizia Ministerio frantsesarekin ireki den elkarrizketa bidea jorratu dituzte batzarrean.
Ohar batean azaldu dutenez, gaixotasun larriak pairatzen dituzten presoen egoerari «erabateko lehentasuna» eman behar zaie, eta hori kontuan hartuta Ibon Iparragirrek ezin duela espetxean «minutu bat gehiago jarraitu» nabarmendu dute. Hala, ondarroarra «berandu baino lehen» kalera ateratzeko exijitu dute.
Horrekin batera, heldu den abenduaren 9an Parisen bakearen artisauek antolatuta egingo den mobilizazioaren garrantzia azpimarratu dute, eta dei egin diote euskal gizarteari egun horretan frantziar hiriburura joan daitezen.
Evacuados los pasajeros del Metro en Leioa tras explotar la batería de un móvil
Pello Reparaz y Amaia Romero, juntos como ‘dantzaris’ en el último mural de LKN en Madrid
Buscan en el río Bidasoa a un hombre de Irun de 32 años tras una persecución de la Ertzaintza
«Las pantallas están agravando las enfermedades mentales y haciéndolas más comunes»
