«Kezkatuta gaude azken aldian Nafarroan hizkuntza-politikari lotuta gertatzen ari denarekin, Bereziki Hezkuntzako zerrenda bakarraren aferak kezkatzen gaitu. Euskaraz bizi nahi dugun herritarrok tinko agertzeko unea da». Modu honetan, sare sozialen bitartez, Kontseiluak «urgentziazko manifestazioa» deitu du abenduaren 16rako.

Momentuz ez dute argibide handiagorik eman, baina asteartean, abenduaren 5ean, prentsaurrekoa eskainiko dute Iruñeko Iruñezar euskaltegian. Bertan izango dira Paul Bilbao, Kontseiluko idazkari nagusia, eta Nafarroako batzordea osatzen duten bazkideen ordezkariak.

I-Ek oposizioarekin bat egin du zerrenda bakarraren aurka agertuz, eta Podemos Nafarroak oraindik ez du iritzi garbi bat azaldu.