Foro Sozialak antolatuta, mahai baten inguruan eta modu publikoan, espetxe politikaren inguruan eztabaidatuko dute Gasteizko Legebiltzarrean ordezkaritza duten alderdiek, PPk izan ezik. Azken honek parte hartzeko gonbiteari ezetz esan dio. Mahai-ingurua ostegunean, 17:00etan, Bilbon izanen da, Bizkaiko Abokatuen Elkargoan, ‘Garai berrietan espetxe politika berria’ izenarekin.
Alderdi politiko eta sindikatuekin, «presoen gizarteratzeari begira» elkarrizketa bultzatzea du helburu. «Lehen akordioak gaixo dauden presoen inguruan eta kartzela politikaren eskumenaren inguruan ikusi ditugu jadanik Gasteizko Legebiltzarrean. Baina beste pausu bat emateko beharra ikusi dugu». Zentzu horretan jarri dute martxan indar politiko desberdinen arteko eztabaida.
EAJren aldetik Amaia Arregi izanen da, Julen Arzuaga izango da EH Bilduren ordezkaria, Rafaela Romero PSErena eta Andeka Larrea Elkarrekin-Podemosena. Moderatzaile lanetan Teresa Toda arituko da, kazetaria eta Foro Sozialeko kidea.
«Elkarrizketa aldeaniztunen bidez, datozen asteotan emaitzak ikustea espero dugu. Eztabaiden edota akordioen forma hartuko duten emaitzei buruz ari gara», gehitu du Foro Sozialak, zabaldutako oharrean.
La nueva presidenta de UPN se abre a pactos puntuales con EH Bildu y a gobernar con Geroa Bai
El PNV ha dejado de ser el «catch all party» de Araba, Bizkaia y Gipuzkoa
Nakbaren astean Israel «desnormalizatzeko» manifestazio nazionala egingo da Iruñean
La Zona de Bajas Emisiones se implantará en el centro de Bilbo a partir del 15 de junio
