Hizkuntzen aldeko lasterketan Europako sarea osatu dute Euskal Herriko Korrika eredu gisa hartuta antzeko ekimenak antolatzen dituzten ordezkariek. Bretainian ospatzen ari den 'Ar Redadeg' lasterketaren bigarren egunean sortu dute «Eurokorrika» deitu duten sarea. Bertan izan dira Euskal Herritik joanda Mertxe Mugika, Asier Amondo eta Jakes Bortairu. Bretainiakoez gain bertan ziren Galiza, Katalunia, Aran Harana, Biarno, Gales, Irlanda eta Alsaziako antzeko ekimenetako ordezkariak.
Onartu duten adierazpenean hizkuntzen babeserako itun eta arauak aipatu dituzte hizkuntza gutxituak indartze aldera gizarte zibilak eginiko lana txalotu dute. 1980an Euskal Herrian Korrika sortu izana modu berezian azpimarratu nahi izan dute. Adostutako gutunean, gainera, elkarlanean jarduteko hainbat konpromiso hartu dituzte eta tartean euren arteko sarea sortuko dutela iragarri dute, «harremanak estutut, ekintzak sustatu, proiektu berrietan lagundu eta elkarrekin herri ekitaldiak antolatzeko».
Bretainiako 'Ar Redadeg' lasterketa atzo hasi zen eta goiko bideoa da bere promoziorako baliatutakoa. Euskal Herriko Korrika eredu, 2008an antolatu zuten lehen aldiz. 600 km izan ziren lehen edizioan eta aurten 1.800eko ibilbidea antolatu dute. Hurrengo astean, maiatzaren 9tik 13ra, Euskal Herritik delegazioa joango da lasterketan parte hartzera. (Informazio gehiago HEMEN
Lateralidad, un tema desconocido pero crucial en el aprendizaje de las niñas y niños
32 combatientes cubanos murieron en el asalto estadounidense en Caracas
54 urteko mendizale bat hilik aurkitu dute Aiako Harrian; Iban Apaolaza presoa da
Xabi Iraola 32 urteko igeldoarra proposatu dute Sorturen koordinatzaile orokorra izateko
