Bere hirugarren eta azken etapa osatu du Giroak Israelen igande honetan, eta Be'er Sheva eta Eliat lotu ditu 229 kilometroz luzatu den jardunaldiak. Bezperako etapa lez, esprintean amaitu da gaurko etapa, eta txirrindulari berak altxa ditu besoak.
Elia Vivianik erakutsi du bera dela Giro honetako esprinterrik azkarrena. Iritsiera zaila izan du etapak, arriskutsua, baina egoera horietan ere helmigan besoak altxatzeko gai izan da italiarra. Atzetik izan ditu, hurrenez-hurren, Sacha Modolo eta Sam Bennett.
Sailkapen nagusiari dagokionez, berriz, ez da aldaketarik egon eta ondorioz Rohan Dennis australiarrak jarraitzen du buruan.
229 kilometroko etapa honek amaitutzat ematen du Giroaren estantzia Israelen. Atseden eguna izango dute astelehen honetan txirrindulariek, eta asteartean berrekingo diote konpetizioari. 191 kilometrotako etapa izango dute zain, Catania eta Caltagiorne lotuko dituena, Sizilian.
Giroko emaitza eta sailkapen guztiak, NAIZen webgune berezian.
El juez encarcela a los dos detenidos en Irun, imputados por «terrorismo» pero sin pruebas
El PP elige a un joven muy activo en redes en busca de un escaño por Gipuzkoa 15 años después
Aitor Esteban se marca un Alberto Núñez Feijóo, quien no fue presidente porque no quiso
Euskal Selekzioa-Venezuela el 14N en San Mamés, con Gobierno Agirre y exilio en la memoria
