Derbiarekin itzuliko da Emakumezkoen Lehen Maila. Athleticek eta Realak Lezaman jokatuko duten norgehiagokak emango dio amaiera bosgarren jardunaldiari, igandean, 20.30ean izango da partida.
Joseba Agirre Athleticeko entrenatzaileak hiru partidako zigorra bete beharko du, Rayoren kontrako neurketan txartel gorria ikusi eta gero, eta ezin izango du talde zuri-gorria aulkitik zuzendu igandean.
Bestalde, Naroa Uriarte eta Nerea Nevado Athleticeko jokalariak deitu dituzte Espainiako 17 urtez azpiko selekzioarekin lan egiteko, urriaren 15etik 17ra.
Izendapena
Ainhoa Tirapu, Athleticeko atezaina, AFE futbolarien sindikatuko Emakumezkoen Futbolaren Batzordeko presidenteorde izendatu dute.
Ildo horretan, Hitzarmen Kolektiboaren negoziazioa hasi baino lehen gelditu da, Madrilen egindako bilerak sindikatuen (AFE, Futbolistas ON eta UGT) arteko desberdintasunak agerian utzi ondoren. Bitartekari baten laguntzarekin bilduko dira euren artean datorren astean, urriaren 25ean patronalarekin, hau da, Emakumezkoen Futbol Kluben Elkartea, berriro hitz egin aurretik.
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
