Bizkaiko etxez etxeko laguntza zerbitzuko langileek Gernikara eraman zituzten atzo hitzarmen duin baten aldeko euren aldarrikapenak. Urriko azken astelehenetan egin ohi duten azoka eta jai handian igaro zuten bigarren greba eguneko goiza Bizkaiko etxez etxeko laguntza zerbitzuko langileek. Hain zuzen ere, LAB, ELA, UGT eta USO sindikatuek (sektoreko indar guztiek) deituta, 13 greba egun aurreikusi dituzte, eta horietatik bigarrena atzo egin zuten.
Itun duin baten alde hainbat hilabetetan mobilizazioak egin ostean, eta «patronalek ez aurrera ez atzera egiten ez zutela» ikusita, Bizkaiko etxez etxeko laguntzaren zerbitzuko langileek ez zuten «beste irtenbiderik» izan mobilizazioak areagotzea baino. Hala, LAB, ELA eta USO sindikatuek 13 greba egun deitu zituzten. Geroago, UGTk ere bat egin zuen eta sindikatu guztiak elkarrekin ari dira borrokan.
«Etxez etxeko laguntzaren zerbitzua, menpeko egoeran bizi diren pertsonentzat funtsezkoa bada ere, gero eta okerrago dago; horregatik, guk, zerbitzu hori egunero ematen dugunok, mobilizaziora jo behar dugu, hobekuntza eske, bai arretaren aldetik, bai lan baldintzen aldetik», azaltzen dute adierazpenean. Arretari dagokionez, «gure zerbitzuaren jasotzaileak gero eta gehiago dira, eta arian-arian babes maila jaisten diete», kritikatzen dute.
EH Bildu organiza una Conferencia Municipalista para «dar un salto en la construcción de país»
Aburto responde a la protesta vecinal pidiendo que se acepte que solo Sader abandone Zorrotza
El agente que abusó de una víctima de violencia machista sigue en la Ertzaintza
La nueva presidenta de UPN se abre a pactos puntuales con EH Bildu y a gobernar con Geroa Bai
