Gabonen atarian, erosketak gora egiten duen tarte honetan, tokiko komertzioen salmentak sustatu asmoz Gabon sasoian herrian kontsumitzeko deia egin du Aretxabaletako Aretxarte merkatarien elkarteak.
Udalaren laguntzarekin, beste behin ere AZ Visual Mediak egindako iragarki dotorea plazaratu dute sare sozialetan eta, ohikoa den moduan, bolo bolo dabil herritarren mugikorren artean.
Oraingo honetan Carles Puigdemont gonbidatu dute Aretxabaletara: «Ni ausartu banaz zu be ze arraixogatik ez?», dio Kepa Errasti aktore aretxabaletarrak presidente katalanaren azalean sartuta.
Aretxabaletako dendarien laguntza bereziarekin, presidente katalanak, xingola eta bufanda horia soinean, herrian aurki daitezkeen janari denda, ile-apaindegi edota arropa dendak aletzen ditu kantuan.
Aretxarte merkatari elkarteak seigarren aldia du Gabonetako bideoklipa egitean, iazkoak baina helburu guztiak gainditu zituen. 'Atxabaltan be kriston aukeratzarrak daz!' zuen goiburu iazko abesti eta bideoklipak eta orduko hartan, Errasti aktore aretxabaletarra Queen taldeko Freddie Mercury abeslari handiaren azalean sartu zen. Egun bakarrean Youtuben 10.000 ikustaldiak gainditu eta Estatu espainoleko hogei bideo ikusienen rankinean sartu zen bideo hura.
EH Bildu Gasteiz censura el uso de 2 millones de euros públicos en beneficio de El Corte Inglés
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
Los ingredientes para un «lawfare»
