Eibarrek Esteban Burgos 27 urteko atzelari argentinarra fitxatu du. Azken denboraldietan Alcorcon taldean aritu da, Bigarren Mailan, eta 2022ko ekainaren 30era arte sinatu du kontratua.

1992eko urtarrilaren 9an jaio zen Saltan (Argentinan), 27 urte ditu beraz, eta esperientzia handiko atzelaria da. Talde armaginak zabaldutako datuen arabera, guztira 63 norgehiagoka jokatu ditu talde madrildarrean, eta zazpi gol sartu ditu jokatutako 5.355 minutuetan.

Aurrez, Godoy Cruz, Rosario Central eta Talleres talde argentinarretan aritu izan da Esteban Burgos.