Bilboko Udalak gogoratu duenez, udalerri honen barruan badira korrika egiteko hamaika ibilbide eta guztiak bihartik aurrera irekiak izango dira. Ibilbide hauen Bilbao Kirolak erakundearen webgunean topatu daitezke, BK RUN sailean.

Hauek dira Bilboko udalerritik atera gabe egin daitezken ibilbideak: Europa parkea (belarra), Deustua-Udaletxea-Deustua, Errekaldeko kiroldegia-Pagasarriko barrera, Miribillako kiroldegia, Europa parkea, Atxuri-Ubiden pasealekua, Etxebarria parkea, Artxandako kiroldegia eta Doña Casilda parkea. 

Ibilbide bakoitzaren distantzia webgunean ikusgai dago. Honekin batera, erretzen diren kaloriak ere agertzen dira. Ibilbideak deskargatu daitezke eta bideoak ere ikusgai daude.

Txirringa erabiliko dutenentzako, bidegorriak erabiltzea gomendatzen die Bilbao Kirolak erakundeak. Beti ere, beste erabiltzaileenganako errespetua eta abiadura mugak kontuan izatea eskatzen du.

Honekin batera, Bilbao Kirolak erakundeak jarduera fisikoarekin berriro hasten denean modu arinean eta progresiboan egitea gomendatzen du. Zauriak eta lesioak ekiditeko tentuz ibiltzea komeini dela gaineratzen du.

Bihartik aurrera, banan banako kirol jarduera egitea zilegia izango da, 6.00etatik 10.00etara, eta 20.00ak eta 23.00ak bitartean. Ezin izango norberaren udalerritik atera eta egunean behin baino ezin izango da egin.