Ekhi MARTIN
Donostia

Kirats Teatro Repelente taldeak ikuskizuna eskainiko du Donostiako kaleetan

Bizitzari berari eskaini nahi diote ‘Mariage d'Amour’ ikuskizunean kontatzen den maitasun istorioa Kirats Teatro Repelente antzerki taldeko kideek. Maite Agirrek zuzendu du lana, eta Xabi Madina eta Nerea Iglesias ditu protagonista.

Nerea Iglesias eta Xabi Madina ikuskizunaren une batean. (KIRATS)
Nerea Iglesias eta Xabi Madina ikuskizunaren une batean. (KIRATS)

Kirats Teatro Repelente antzerki taldearen bereizgarria inklusiboa dela da, nahiz eta beraiek uste duten etorkizunean ezgaitasunak dituzten pertsonekin aritzea «normalizatu» egingo dela eta pentsaezina irudituko zaigula beste mota bateko antzezlanik.

Bitartean, Donostiako kaleak «argiztatu» nahi dituzte euren proposamen artistikoekin. Oraingoan ‘Mariage d'Amour’ lana prestatu dute, Maite Agirrek zuzendutakoa, eta Xabi Madina eta Nerea Iglesias protagonista dituena.

Nahiago dute publikoarentzat sorpresa izatea, ustekabean kaletik haiekin topo egitea baina aurreratu digute irailaren 17an Donostiako erdialdean izango direla, eguerdi partean. Era berean, eguraldiak baimena emanez gero, datozen asteetan bestelako emanaldiak eskaintzeko intentzioa agertu dute.

Nahiz eta publikoaren erantzuna eta jarrera ikuskizunean bertan eragina duen, ez da inprobisazio bat, asko ensaiatutako lana baizik. Maite Agirrek azaldu digunez, bi errealitate siko-fisiko desberdin erakisten digu piezak: «protagonista bat bere gurpildun aulkian mugitzen da, beste dantza pertsonala eskainiz, oso dinamikoa, elegantea. Beste protagonista, bere musikarekin, saiatzen da dantza horretan sartzen, nahiz eta dantzaria ez izan».

Gipuzkoako Aldundiaren Oreka egitasmoaren barruan kokatzen da proiektua. Kolorearekin elkarteak antolatua da, Agerre Teatroren kolaborazioarekin.