Euskal Autonomia Erkidegoan (EAE), 268 ikasgela itxi behar izan dituzte covid-19 kasu positiboak antzeman ondoren, baina gaur egun ez dago ikastetxerik itxita arrazoi horrengatik, Lakuako Gobernuko Hezkuntza Sailak jakitera eman dituen datuen arabera.

Koronabirusaren pandemiak Araba, Bizkaia eta Gipuzkoako ikastetxeetan duen eraginaren azken eguneratze horren arabera, asteazken honetan 268 gela daude itxita, aurreko egunean baino zortzi gehiago, hain zuzen ere.

Kopuru hori 2020-2021 ikasturtean EAEko hezkuntza-sistemak dituen 17.554 ikasgelen %1,52 da, 2 urtetik unibertsitatez kanpoko derrigorrezko hezkuntza ondoko mailetaraino.

Itxita dauden gelen kopurua apur bat igo da astelehenetik, 212 gela itxita zeudenean, 132 ikastetxetan (%1,20). Atzo, asteartea, 260 ikasgela itxita zeuden, 162 ikastetxetan, hau da, ikasgela guztien %1,48. Aurreko ostiralean, ordea, orotara 172 ikasgela zeuden itxita, Araba, Bizkaia eta Gipuzkoako 111 ikastetxetan (0,98%).

Ildo horretan, asteazken honetan 172 ikastetxe daude gelen itxieraren eraginpean, aurreko egunean baino hamar gehiago. Hala ere, ikastetxe batek ere ez du bere hezkuntza-jarduera presentziala etenda.

512 ikasle gehiago daude bakartuta Nafarroan

Nafarroako Gobernuak emandako datuen arabera, 24 talde ezberdinetako 512 ikasle gehiago daude bakartuta herrialde honetan. Lehen Hezkuntzan eta Haur Hezkuntzan 1.973 ikasle daude barkartuta, %3,21.

Taldeei dagokionez, Lehen Hezkuntza eta Haur Hezkuntzako 59 eskoletan 96 talde konfinatuak izan dira, %2,75.