Quim Arrufat CUPeko diputatu ohiak alderdia utzi zuen bi sexu eraso barne salaketekin. Horrela argitaratu zuen igande honetan Diari ARAk eta CUPek baieztatu ohar baten bidez. ARAren informazioan lehenbiziko erasoa 2014an gertatu zela gehitzen da eta, bigarrena, azken hilabeteotan.

Gainera, CUPen jakinarazpenean azaltzen dutenez, salaketa horiek alderdiaren barruan kudeatu egin ziren eta ez ziren justizia arruntera eraman. Aldi berean, erasoa salatu eta «patriarkatuaren eta eraso matxisten aurkako konpromisoa» berretsi dute.

🔴 COMUNICAT | "Reconeixem que es donen casos d’agressions en el si de la CUP i que no som aliens al patriarcat ni a les agressions masclistes.

Identificar-les, reconèixer-les i abordar-les forma part de la lluita feminista per erradicar les violències que també ens travessen" pic.twitter.com/Wi8WLUkxBj

— CUP Països Catalans (@cupnacional) October 4, 2020

Alderdiak onartzen du «eraso-kasuak gertatzen direla erakundearen barruan, eta CUPen ere patriarkatuak eragina daukala, baita eraso matxistek». Erasoak aurreikusteko protokoloari dagokionez, CUPek azaltzen du «konfidentzialtasun-itun zorrotz batek arautzen du prozesua».

Arrufat: «Jarrera horiek ez dira egiazkoak»

Halaber, Quim Arrufatek jakinarazpen labur baten bidez argitaratu egin du bere bertsioa Twitterren. Arrufatek dioenez, ARAk egozten dizkion jarrerak «faltsuak dira» eta salaketak «ez datoz bat Batzorde Feministaren esparruan barnetik izapidetutako espedienteen edukiarekin».

Bon dia.
Mentre ordeno una millor resposta, aquí en faig una d'urgència. pic.twitter.com/dwwSF4owU2

— Quim Arrufat (@quimarrufat) October 5, 2020

Arrufatek adierazi du ez duela «hauteskundeen atarian zarata eta polemika sortu nahi, CUPi ospea kentzeko, zuhurtziagatik eta errespetuagatik». Gainera, esaten du informazioak zurrumurruetan oinarrituta daudela, eta deitoratu egiten du «zortea emateko, izen, deskribapen eta ondorio batzuk hartzen direla benetako kasutik urrun».