Lakuako Gobernuko Osasun Publikoaren eta Adikzioen zuzendaritzak astelehen honetan argitaratu duen ebazpenaren arabera, Agurain, Aizarnazabal, Andoain, Asparrena, Beasain, Bermeo, Donemiliaga, Eskoriatza, Ispaster, Lazkao, Lekeitio, Mundaka, Olaberria, Villabona, Zegama, Zornotza eta Zumaiako taberna eta jatetxeak itxita egon behar dira egoera epidemiologikoagatik.
Udalerri horietan 100.000 biztanleko 14 eguneko intzidentzia tasa metatua 500 kasukoa edo hortik gorakoa delako hartu du Lakuak erabaki hau.
Zehazki, 5.000 biztanletik gorako udalerrien artean, Arabako Agurain (560,43), Bizkaiko Bermeo (839,74), Lekeitio (733,36) eta Zornotza (570,24), eta Gipuzkoako Andoain (607,15), Beasain (763,14), Lazkao (514,91), Villabona (523,91) eta Zumaia (681,80) eremu gorrian daude.
Bestalde, 5.000 biztanletik beherako herrien artean, Osasun Sailaren ebazpenak zehazten du Aizarnazabal, Asparrena, Eskoriatza, Ispaster, Mundaka, Olaberria, Donemiliaga eta Zegamako taberna eta jatetxeak ere itxi egin behar direla.
Herri txikiago hauen kasuan, ostalaritza eta jatetxeen itxiera zehazteko irizpide gisa azken zazpi egunetan bi kasu positibo baino gehiago izatea erabili da ere bai.
Izan ere, EAE alerta laranjan sartu da astelehen honetan, 560 koronabirus kasu berri erregistratu eta positibotasuna %5,2ra igo ostean.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
