Hamazazpi egun bete dira Juana Ruiz Sanchez, duela 35 urtetik Palestinan bizi den espainiar herritarra, apirilaren 13an Zisjordaniako Beith Sahur herrian atxilotu zutenetik, Belen hiritik gertu. Bere berehalako askatasuna aldarrikatzeko asmoz hainbat elkarretatze egin dituzte ostegun honetan Bilbo, Donostia eta Iruñean.

Bilboko Areatzan, 18.30ean, dozenaka elkarte eta gizarte eragile elkartu dira Ruizekin elkartasuna adierazteko. Donostian, aldiz, Ruizen atxiloketa Pio XII Plazan salatu dute. Ostiral honetan Gasteizen egingo dute beste bat, Andra Mari Zuri plazan.

Varixs compañerxs de @CCOOeuskadi #CCOO hemos participado en #Bilbao en la concentración para exigir la libertad de Juana Ruiz Sánchez, cooperante humanitaria de @HWCPalestine detenida en #Palestina de forma arbitraria por el ejército israelí #JuaniLibertad #FreedomForJuana pic.twitter.com/s5JTsrk1DA

— Alfonso Ríos (@AlfonsoRiosV) April 29, 2021

Juana Ruiz, Juani Rishmawi ezizenez ezagunagoa Palestinarekiko elkartasun zirkuluetan, atxilotu zuten gau horretan, armatutako 20 soldadu israeldar baino gehiago agertu ziren bere etxean, eta, ordutik, galdeketa luze bati aurre egin behar izan dio, oraindik maiatzaren 2ra arte luzatuko dena, epaileak hala erabakita.

Epaileak oraindik gehiago luzatzea erabakitzen ez badu, elkarretaratzean parte hartu duten eragileek uste dute Ruizek 19 egun beteko dituela espetxeratuta, kargu zehatzik gabe.

Ildo horretan, gogoratu dute, aldez aurretik, 2021eko martxoaren 8ko goizaldean, hain zuzen, Israelgo armada Health Work Committees (HWC), Ruizek lan egiten duen osasun-erakundearen egoitza naguasian azaldu zela, Al Bireh hirian, eta Tayseer Abu Sharbak Kontabilitate Saileko arduraduna eta Saeed Abbad, duela 2 urte arte Kontabilitate Saileko arduraduna izan zena, atxilotu zituztela.

Atxiloketa horien ondorioz, uste dute «Israelek delituren bat frogatu nahi duela Osasun Komiteetan proiektu humanitarioak garatzeko jasotzen dituzten Europako lankidetza-funtsekin lotuta», eta akusazioa horietan Ruiz lotura frogatu nahi dutela.

Bi elkarretaratze Iruñean

Arratsaldean, 20.30ean, Iruñea ere gehitu da eta Juana Ruiz askatasuna eskatzeko deialdiei. Gaztelu Plazan egin dute mobilizazioa, eta Internazionalistak Auzolanean, Askapena, ELA, LAB, Alternatiba Nafarroa, Nafarroako osasun platafoma eta beste talde zenbait batu dira protestara.

Iruñean ere, 14.00etan, Juana Ruizen aldeko beste elkarretaratze bat egin dute, Nafarroako Ospitalaren aurrean.

#JuanaLibertad #FreedomForJuana #ElkartasunaEzDaDelitua 29 Abril. Concentraciones en Iruñea en apoyo a Juana Ruiz, trabajadora humanitaria de la Salud en Palestina encarcelada por Israel . Vídeo de la concentración en el CHN-CCI a las 14.00h. A las 20.30h Plaza del Castillo. https://t.co/C4Q61hn8LG pic.twitter.com/Ls0jFXdtY9

— Jaxin G. Viniegra #NoEsUnaGuerra (@visualizainfo) April 29, 2021

Katalunian eta Estatu espainoleko beste hainbat herritan kontzentrazioak egin dira ere arratsaldeko zazpietatik aurrera, Ruiz Israelgo Estatuari askatzeko eskatzeko.

En la concentración #LibertadJuana convocada por la Plataforma Solidaria @VallaPalestina de la somos parte.

🔊🔊🔊 LIBERTAD PARA JUANA RUIZ SÁNCHEZ, TRABAJADORA SANITARIA DE LOS HEALTH WORK COMMITTEES, DETENIDA POR ISRAELhttps://t.co/4uRnZhEx4f https://t.co/L776hvqUkp pic.twitter.com/UyqIv79PrL

— Ecologistas en Acción Valladolid (@EcologistasVall) April 29, 2021