Madelen Urietak eta Araskin beraien arteko harremana luzatzea erabaki dute, astearte honetan iragarri legez. Hala, Amurrioko entrenatzaileak seigarren denboraldia beteko du talde gasteiztarra gorengo mailan entrenatzen.
𝐌𝐚𝐝𝐞𝐥𝐞𝐧 𝐔𝐫𝐢𝐞𝐭𝐚, un año más al frente de @Kutxabank Araski
— Araski AES (@Araski) May 11, 2021
La técnica alavesa cumplirá su sexta campaña en #LFEndesahttps://t.co/zMIK6v7UY8#ADNAraski 💚 pic.twitter.com/unrHGiRaQR
Badirudi, kontuan hartuta nola amaitu duen denboraldia, aldaketa asko emango direla Araskin hurrengo denboraldiko taldea osatzerako garaian eta osaketa lan horretan ere, zeresana edukiko du Urietak, kirol zuzendaria den heinean. Izan ere, Anna Cruz eta Valeriya Berezhynskaren fitxaketek ez dute eman espero zen hainako emaitza, Tania Perezek saskibaloia utzi behar izan du lesioak direla-eta eta Laura Quevedok ere Araski utzi du, Estudiantes taldera bidean, Tamara Abalderk Lugoko Ensino taldean jokatuko duen bitartean, Maria Erauntzemarugil hegaleko donostiarrarekin batera, esaterako.
Ezagutza handia dauka Urietak eta beraz, giltzarri izan daiteke hurrengo denboraldi begira. Gainera, Espainiako saskibaloi entrenatzaileen Elkarteak hiru aldiz izendatu du Amurriokoa ligako entrenatzaile onena bezala (2016, 2019 eta 2020) eta duela pare bat urtetatik Espainiako selekzio nagusiaren talde teknikoaren kide da. Aurreikuspenen arabera, Valentzian ekainaren 17tik 27ra jokatuko den Eurobasketean zein Tokioko Joko Olinpikoetan egotea espero da.
Araskiri dagokionez, bosgarren denboraldia bete du saskibaloiko gorengo mailan. Hamaikagarren bukatu zuen sasoia (12 garaipen eta 18 porrot), oso irregularra izan dena. Bigarren itzuliaren hasieran sentsazioak hobetu zituen baina, lau garaipen segidan erdietsita, baina azken txanpa hiru porrotekin bukatu zuen.
Talde gasteiztarrak nolabaiteko egonkortasuna lortu du gorengo mailan baina azken bi denboraldiak zailak ari dira izaten ekonomia alorrean –edozein taldek baieztatu dezake hau–. Hala, duela aste bat kanpaina berri bat abiatu zuen, baliabide ekonomikoak erakartzeko asmoz.
Los ingredientes para un «lawfare»
Jon Sarasua: «Marko ideologiko jakina dago txapelketan, eta pobrea»
Lawfare: berria ez den jarduera bat, sei kasu paradigmatikotan
‘Cadena perpetua’ cumple treinta años: siempre nos quedará Zihuatanejo
