NAIZ

Leioa, Erandio eta Getxoko pintaketa faxistak eta matxistak gaitzetsi ditu EH Bilduk

Uribe Kostako hiru udalerrietan, Leioan, Getxon eta Erandion, zenbait pintaketa faxista eta matxista agertu ziren igandean. «Irmo» salatu ditu EH Bilduk,

Leioan agertutako pintaketa. (NAIZ)
Leioan agertutako pintaketa.

EH Bilduk «irmo» salatu ditu igande honetan Leioa, Erandio eta Getxoko herrietan agertu ziren pintaketa «matxista eta faxistak», prentsara igorritako komunikatu batean adierazi duenez.

«Indarkeria faxistak, homofoboak eta matxistak forma asko ditu, eta azkenaldian horietan guztietan ari da azaltzen. Determinazio handiz erantzungo diegu guztiei, ez baitugu onartuko gure kaleetan, gure herrialdean edo beste inon horrelakorik gertatzea», gaineratu du koalizio abertzaleak.

EH Bilduren esanetan, herri-mugimenduak berriro erakutsi du «azkar eta eraginkortasunez» erantzuten duela pintaketak lehenbailehen ezabatuz.

«Ez dira pasatuko! Beste alde batera begira daiteke faxismoari entzungor eginez, edo begirada altxa daiteke eta horrelako ekintzak salatu. Guk argi daukagu. Gaur eta beti jarraituko dugu defendatzen, herrialde hau plurala, askotarikoa eta feminista izango dela», aldarrikatu du.