«Olentzeroren opari» gisa azaldu du Lointek Gernika Bizkaiak igande goiz honetan Gabija Meskonyte hegalekoaren kontratu luzatzea. Printzipioz, jokalari lituaniarrak 2023ra arte jarraituko du Gernikan, nahiz eta klubak badaukan 2024ra arte kontratua luzatzeko eskubidea, bere webgunean azaldu duen moduan.
23 urteko Gabija Meskonytek ezin izan du Lointek Gernika Bizkaiarekin partida ofizialik jokatu, ezker belauneko lotailu gurutzatuko plastia erabat hautsi baitzuen 2021/22 denboraldia hasi bezperan. Are gehiago, Euskal Kopaz geroztik ezin izan du jokatu, nahiz eta berez joan den udan bertan ebakuntza behar bezala egin zioten ezker belaun malapartatu hartan.
Lastima da, hegaleko lituaniarrak oso itxura ona eman baitu aurredenboraldiko neurketetan. Hargatik, Mario Lopezek zuzentzen duen taldeak taldean mantentzea deliberatu zuen eta oso ohikoa izan da Meskonyte Malosteko aulkian bere taldekideak animatuz ikustea. Bien bitartean, klubeko mediku zerbitzuen aginduetara lanean darrai, aipatu lesiotik osatze bidean, nahiz eta oraindik denbora beharko duen.
Ez da, bestalde, aurreneko aldia talde gernikarrak min hartuta egon arren jokalari bati kontratua luzatzea. Bere webgunean gogorarazten duen moduan, 2019ko udan Juana Molina-Prados eskoltarekin halaxe jokatu baitzuen, nahiz eta Gaztela Manchako jokalariak artean «triada» beldurgarria jasan.
EP, abierto a favorecer la alcaldía de EH Bildu en diez municipios de Bizkaia y Gipuzkoa
Saint-Pée : un mois de réflexion face à la vente spéculative
Un error en los datos oficiales adjudicó al PNV una mayor ventaja sobre EH Bildu en Berriz
PNV y PSE aceleran un pacto global para desbancar a EH Bildu de la mano del PP
Le Pays Basque desservi par un train de nuit quotidien à partir de 2024
Asiron destaca que no aceptará en Iruñea vías que excluyan al 27% del electorado
Telesforo Monzonen ‘Txikia’ abestia ereserki bilakatu dute Hazparneko errugbi jokalariek
Ignacio Ansorena Funtsa, Durangaldeko 10.000 irudi baino gehiagoren legatua
