Laster beteko da urtebete Joseba Sarrionandia, 36 urte luzeko erbestealdia atzean utzita, Euskal Herrira itzuli zela. Iurretara. Etxera. Ordutik, Durangoko azokan, Jon Maiarekin eszenatoki gainean edota irakurle taldeetan ikusi ahal izan dugu, hainbat ekitalditan.
Beste toki bat ere bisitatu ahal izan du gaurkoan. Oso berezia gainera. Fermin Muguruzak sare sozialetan azaldu duenez, Moskun jaso du idazlearen bisita eta, nola ez, Eskina tabernara eraman du. Bertan grabatu baitzuten ‘Sarri, Sarri’ abesti ezagunaren bideoa.
Eta azkenean Joseba Sarrionandia “Sarri” Moskura etorri eta “Sarri, Sarri” bideoa grabatu genuen Eskina taberna ezagutu du.#SarriSarri#kristonmartxadabil pic.twitter.com/7Ubd1E7tYk
— Fermin Muguruza (@muguruzafm) February 17, 2022
Antza, oraindik ere «kriston martxa dabil» Eskina tabernan. Belaunaldiek etengabe abestu eta dantzatu duten ereserkia hezurmamitu dute bi protagonistek ostegun honetan.
Lerro hauen azpian doa aipatutako bideoklipa, ia bi milioi erreprodukzio bilduta. Garaiko giroa ederki jasotzen duen bideoa zekarren ‘Sarri Sarri’ abestiak eta oraindik ere, gaur egun eta ia lau hamarkadaren ostean, luzerako bizia du lanak.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
