Futboleko Bigarren Mailari dagokion 2021/22 denboraldia oraindik ez da amaitu, baina Xabi Alonso, Sanseko entrenatzaileak badaki ostiral gauean Zaragozaren aurka zuzenduko duela bere azken partida Realaren bigarren taldearekin. Klub txuri-urdinak prentsa oharra bidali du asteazken honetan eta bertan entrenatzaile tolosarrak «2021/22 denboraldia amaitzen denean Realeko kide izateari lagako» diola iragarri du.
2019an iritsi zen Zubietara Xabi Alonso, Sanseko entrenatzaile lanetara, bere jokalari ibilbidea amaitu eta gero. Hala, 2020/21 denboraldian Realeko bigarren taldea Bigarren mailara igotzea lortu zuen, «lorpen historikoa», Realak berak agurreko prentsa oharrean adierazi duen moduan.
«Jokalarien hobekuntzan egindako lana» eskertu nahi izan du klub donostiarrak entrenatzaile gipuzkoarraren agurra, nahiz eta ezin izan duen aurten Sanse «zilarrezko kategorian» mantendu.
Dena dela, «hiru urte hauetan erakutsi duen lanerako grina, esfortzua eta konpromezua» eskertu dizkio Realak Xabi Alonsori, klub txuri-urdina utzi bezperetan.
Ikusteko dago orain tolosarraren etorkizuna, baina badirudi gorengo mailan lekuren bat izango duela; non da kontua, alabaina. Izan ere, Lehenengo Mailako taldeak ez ezik, Inglaterrako eta Alemaniako talde zenbaitek ere beragatik galdetu omen dute.
EP, abierto a favorecer la alcaldía de EH Bildu en diez municipios de Bizkaia y Gipuzkoa
Elkarrekin Podemos deja a Etxeberria y Mendoza a solas con Feijóo y Ayuso
El PNV perdería en Gasteiz 5 parlamentarios y EH Bildu ganaría 3, extrapolando datos forales
Le Pays Basque desservi par un train de nuit quotidien à partir de 2024
Des propos sexistes à l'inauguration d'AB Campus
Asiron destaca que no aceptará en Iruñea vías que excluyan al 27% del electorado
Telesforo Monzonen ‘Txikia’ abestia ereserki bilakatu dute Hazparneko errugbi jokalariek
Ignacio Ansorena Funtsa, Durangaldeko 10.000 irudi baino gehiagoren legatua
